lularena

lularena








Links












Freundschaftsspiel Deutschland - Südafrika

20.12 Uhr: Heute wird wieder getickert!!! Und zwar das Freundschafts-Länderspiel Deutschland gegen Südafrika. Live auf ZDF

 

20.14 Uhr: Für alle, die Interesse daran haben: Eine kurze Zusammenfassung der heutigen Drittligaspiele: Da Jahn war mal wieder so jahnig, wie nur da Jahn sa ko (mit 1:0-Führung in die Halbzeit; 2:1 für Sandhausen in der 94. (!) Minute…, Burghausen hat zwar mit 3:0 gegen Haching gwunna, is aber wohl trotzdem as einzige Team, des schafft, am 3. Tabellenplatz zum sa mit am negativen Torverhältnis, und sowohl Bayern II als a Dortmund II spuilln erst morng Nachmittag.

 

20.18 Uhr: Kurze Bestandsaufnahme: Mei Opa schlaft, mei Oma schaut an Hinterseer o und i bin abl no stinkig mitm Löw, dass er an Kießling net mitgnumma hat.

 

20.23 Uhr: D’Aufstellung klau i ma mal ganz schamlos vom Kicker, weil mei Oma abl no an Hinterseer do hot… Also… So, i hab d’Aufstellung grad abgschriem, aber de hat vorn und hint net gstimmt (sogar mit dem, wos selba gschriem hom), also hab is wieda glöscht

 

20.30 Uhr: Langsam nervt da Hinterseer. Vor allem weil etz Marianne und Michael kemman. Oder wei mei Oma sagt: „De kinnts eich bholtn.“

 

20.32 Uhr: Abl no koa Aufstellung. Etz bin i a no genervt vom Kahn, weil der an Kießling sei Nicht-Nominierung verteidigt. Idiot…

 

20.33 Uhr: Doch wieder Marianne und Michael, mei Oma schalt sofort wieda um. Woas net, warums überhapts no hischalt.

 

20.34 Uhr: Aufstellung:

 

Adler – Lahm, Friedrich, Tasci, Schäfer – Ballack, Rolfes, Özil – Schweinsteiger, Gomez, Marin (mei Oma will etz scho an Ballack daschuissn…

 

Südafrika is ma mal wieda zu kompliziert. Kann koa Mensch ausschmatn Oma: „Jessasna, wer soll de alle auseinand kenna?“

 

20.37 Uhr: ALARM!!! Vuvuzelas!!! Scheiß Teile…

 

20.38 Uhr: Schneider wird verabschiedet. *heul* Schaut abl no sehr guad aus, v.a. „in Zivil“

 

20.41 Uhr: Mei, etz is er furt… *heul* Etz kimmt so a Fairplay-Aktion. De zwoa Kapitäne lesen irgendan Zeig vor. Mei Oma schalt wieder afn Hinterseer. Kann i fast vasteh :D

 

20.42 Uhr: Zurück af ZDF, da lest etz da Ballack. Doof.

 

20.43 Uhr: Nationalhymnen…

 

20.46 Uhr: Nationalspieler wern mal wieder positiv und negativ beurteilt – je nachdem, obs mitsinga oder net. (Adler singt natürlich :D)

 

20.48 Uhr: So, etz aber.

 

1. Minute: Los geht’s!

 

2. Minute: Ballack dout des, wos mei Oma erwartet: Nix gscheids.

 

4. Minute: Marin is heind scho mol guad, hat etz a Ecke aussa gholt. Geklärt.

 

6. Minute: Schaut se bis etz ganz guad o. Is zwar „sched“ Südafrika, aber machans ganz guad, de unsern.

 

7. Minute: Guade Chance fürn Gomez, Vorarbeit durchn Özil (den da Kommentator grad in Himmel lobt)

 

9. Minute: Hab tatsächlich a Internetverbindung, af meim Sessel bei meiner Oma. Hab i selten :D

 

11. Minute: Chance durch Schweini… Mei Oma schalt af ARD (Hinterseer und so ) Mei Opa is afgwacht: „Da vasamst durt nix und do nix.“ Recht hot er. Aber d’Fußballer san immerhin scheena, wie unsere „Volksmusikanten“.

 

12. Minute: Opa: „Wer san denn de roudn?“ – Oma: „Mia.“ – Opa: „Mia hamma mia? San da a oi vo drüben dabei?” – Oma: “Ach., geh!”

 

13. Minute. Guader Schuss afs deutsche Tor, aber koa Problem.

 

14. Minute: Kommentator vasoucht, de Taktik vom Löw „herauszuarbeiten“. Bei dem Bild vo da Aufstellung frag i mi a, wos des is.

 

16. Minute: Freistoß. Oma: „An Philipp hams gfoult.“ – Opa: „Is des net da Ribery?... Ach, da Lahm is des, hab gmoint des is da Ribery.“

 

17. Minute: Freistoß war net schlecht gschossn, ghaltn vom Torwart (Fernandez, Nr.2 bei Bielefeld).

 

18. Minute: Erste Ecke für Südafrika. Aber der war dann doch ziemlich schlecht gschossn. Mei Opa will irgendoan kaffa, woas aber net, welchen. Guade Voraussetzung.

 

20. Minute: Opa: „Wo isn da Ballack?“ – Oma: „Grod hot ern Boll ghabt und hot na wieda fünf Meter zruck gschossn.“

 

21. Minute: Heftiges Foul an Lahm. Von Parker. Hat erm aber leid do (sang Oma und Opa).

 

22. Minute: „WARUM SPUILLN DE DENN WIEDA HINTE ZOU? Schod um an Strom!“ (Opa)

 

23. Minute: Mei Opa geht an Leberkaas „um zwoa Pfenning“ soucha.

 

24. Minute: Mei Oma will KERS aus da Formel 1 in Fußball übertragen. Koa schlechte Idee. Aber dann bitte nur bei de Deitschn…

 

25. Minute: Oma: „Da Ballack hat a mal an Ball ghot, ja verreck, he.“ Schimpft weida übern Ballack.

 

28. Minute: Ballack kuckt missmutig. Sagt da Kommentator. Weil na de Jungen net mitspielen lassen. lol

 

30. Minute: Mei Opa rennt ständig zwischen Kich und Wohnzimmer hin und her und bringt meiner Oma Breznstickln…

 

32. Minute: Mal wieder was vom Fußball: Guade Chance vom Gomez, Fernandez klärt zur Ecke. Bisl Gewusel aber nix gscheids. Mei Opa segt no, dass se da Ballack gfreit, weil er mitspuilln hat derfa, dann geht er ins Bett (also mei Opa, net da Ballack :D)

 

33. Minute: Gomez hat bei da Ecke anscheinend mal wieder an Ball in seine „edelsten Teile“ greigt. Fast. Oder weis da Kommentator nennt: „Im Bereich Lende rechts.“

 

34. Minute: Freistoß für Südafrika. Oma: „Den hat da Ballack verursacht, den Schmarn.“ Macht aber nix, Freistoß geht oben drüber.

 

36. Minute: TOOOOOOOOOOOOORRRRRR durch Gomez. Sehr hübsches Tor. Kommentator rätselt, obs Abseits war. Lautm Schiri net, also is uns wurscht :D Kommentator stimmt nach Wiederholung a zou. Ballack greigt an „Assist“, mei Oma sagt nix dazou.

 

37. Minute: Etz aber: Fast a Eigentor vom Friedrich, da Adler springt aber no nache und lenkt na ausse, „René Adler“-Sprechchöre (hab i scho erwähnt, dass des Spuill in Leverkusen is? )

 

39. Minute: Ballack motzt nach DFB-Missverständnis und folgendem Foul. Freistoß, aber koa Problem fürn Adler.

 

41. Minute. Wieder Freistoß für Südafrika. Stürmerfoul an Tasci, Ballbesitz für Dt.

 

42. Minute: Mann, Schiri, pfeif zur Halbzeit, i mou afs Klo!

 

44. Minute: Mal wieder a Ecke für Deutschland.

 

21.35 Uhr: Halbzeit!

 

21.39 Uhr: So, war am Klo und hab ma no Chips gholt, mei Oma hat dawal wieda an Hinterseer her do…

 

21.53 Uhr: Heind vazuigt se alles a bissl. Wechsel: Podolski für Marin, Westermann für Tasci, Klose für Gomez.

 

46. Minute: Schweinsteiger fast alloins vorm Tor, draht se fünf Mol um se selba, verliert an Ball…

 

48. Minute: Scheiß Muckerl nervt mi, Drecksviecher!

 

53. Minute: Ecke für Deutschland – nix. Noml a Ecke -.zwar besser, aber wieder nix.

 

56. Minute: Kurze Unterbrechung, weil ma da Basti über Facebook schreibt :D

 

58. Minute: Basti sei Internet is mol wieda zambrocha, also doch wieda da . Freistoß für Deutschland.

 

59. Minute: Chance für Schweinsteiger, Basti is a wieda da. Klose is scheinds guad draf heind.

 

60. Minute: Basti sei Internet macht mi grod wahnsinnig. Beim Fußball momentan Chancen im Minutentakt – für Deutschland. Bei Südafrika wird da Tshabalala eigwechselt :D

 

61. Minute: Guader Schuss vom Klose. Dat i a selber probiern, wenn i seng dat, wos de andern mit meiner Vorarbeit ofanga…

 

62. Minute: Tshabalala will an Elfmeter, war aber vorher scho Abseits…

 

 

65. Minute: Mal wieder Ecke für Deutschland. Özil schuisst, Pfosten, beinahe a Rolfes-Tor.

 

66. Minute: Glanzparade vom Adler! Sagt zumindest da Kommentator. Gseng hammas net, weil da grad a Wiederholung war. Se wellns uns a net zoing… *grummel*

 

67. Minute: Etza, Wiederholung! Joa, war guad gholtn. „Adler in Koproduktion mit Philipp Lahm.“ (Kommentator)

 

68. Minute: „Der konn am bessern renna!“ Mei Oma übern Lahm, der a no fast a Tor schuisst. Kommentator vazuillt wieda vom Lahm-Tor bei da WM gega Costa Rica; des werns in 10 Joa a no vazuilln, schatz i.

 

69. Minute: Missverständnis zwischen Podolski und Ballack. Hoffentlich gibt’s net wieda a Ohrfeige :D

 

71. Minute: Steht abl no des doofe 1:0. Nix holbads und nix ganz, dat i song.

 

73. Minute: Wechsel: Khedira für Rolfes. „Nachfolgegeneration“ blabla…

 

75. Minute: Guade Möglichkeit fürn Schweini – immerhin Ecke – aber genau aufn Torwart.

 

76. Minute: Hui, Sportstudio heind mitm Adler und am Schneider. Schau i 100 pro o!

 

77. Minute: Foul am Ballack, steht aber wieda.

 

Abl no 77. Minute: TOOOOOOOOOOOOOOOOOOOORRRRR durch Özil. Schöne Kombination, 2:0!

 

78. Minute: Hab übrigens scho vorm Tor beschlossen (etz is bloß a guade Gelegenheit, des zum erwähna), dass i mal an meiner Abneigung gegan Özil orbad. Immerhin is er koa Schalker mehr… :D

 

80. Minute: Übrigens hat da Kahn vorhin a 2:0 getippt – die Frage des Abends: Geht’s a so aus? Etz erst mal Wechsel: Ballack geht, Gentner kimmt. Klose wird Capitano.

 

84. Minute: Basti ist back. Und da andere Basti geht, für erm kimmt da Trochowski.

 

86. Minute: Tshabalala beim Eckball. Geklärt. Wieda Tshabalala :D

 

88. Minute: Özil is da „Mann des Spiels“ fürn Kommentator. Mou zustimmen.

 

90. Minute: Geiler Reflex vom Adler. Wirklich geil!!!

 

90+1. Minute: Knapp vorbei vom Podolski.

 

22.40 Uhr: So, goa. War doch a ganz a guads Spuill

 

5.9.09 22:46
 


Werbung


bisher 2 Kommentar(e)     TrackBack-URL


(6.9.09 02:26)
hä, wieso nachfolge-generation? etz spinnans ganz, soo old is da rolfes a wieda ned


(6.9.09 02:28)
jo, woas etz ned, wos intressanter war, as spul, oda doch dei ticker. oba i mou song, dei ticker war sehr anschaulich :D also *dickessabilob*

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen

Gratis bloggen bei
myblog.de